قاصد

على ذاك السرير اللي في ذاك العـــــنبر المشؤوم
وبين اثنين من مرضى الكلى يــــــــــــــا رب تعفيني



رقدت وكل مــــــا فيني ألـــــم وبداخلي مــــسقوم
رقدت وكل مـــــن حــــــولي عيـا هالــــيوم يطريني



على جمـــــر الزمـــــن‎ أحيا واقلب‎ صفحـــة الألبوم‎
واقول الله يــــــــا‎ الدنيا سرقتي‎ النـــــوم من‎ عيني



سرقتي عمري الغالي وبسمة خـــــاطري المظلوم
سقيتي من الألم كــــــاسي وظني مــــــاي ترويني



ألا يا أمــسي الماضي وعمر"ن" ما بغى لي يدوم
ووقت"ن" كنت انـــــا أبني عليه احــــلام تغويني



أحيــــــد بلحظــــة الغفـــــوه ليالي عشتهــا وعلـوم
عن أيـــــــام الرخى يومي أهــــــد جبال تعـــصيني



عن المــــــابيَّ من عـــزه بكتف"ن" تعتريه نــــجوم
وراسي للسما يعــــلا بــــــدون غـــــرور يـــغريني



عن اشواقي لجلســاتي في ليل"ن" تكتسيه غيوم
مع احــــبابي وخــــــــلاني وقمــــــره وينها وويني



عن الملعب عن المركــب عن الشيشه بطعم سلوم
عن النـــادي عن المسبـــــح عن جنون الشياطيني



ولكــــــن قــــــدّر المــــولى العـــلي الواحد القيوم
أعيش اللي بقى بعمــــري وانا وســــط السكاكيني



في عنبر عشـــــره تلقاني في حجره بآخر الحلقوم
يمين المشرحـــــه واســـــأل عن اللي حالته شيني



تلاقيني بلباس اخـــــضر وحـــــدِّي طاوله وهدوم
وساعـــــــه ليتها تـــوقف وتنهي وجــــــعة سنيني



أمانـــــــه لي متى ببقى يتيم ولـــــي مـــتى مهموم
وفي وجهي تجـــــــــاعيد الزمـــــن تحيا وتشقيني



أمانــــــه لي متى وانــــا أغـــــوص بمحنتي و اعوم
وكل مـــــــــا ألمح الشاطــي يـــــــرد الموج يفنيني



فقير الحـــــــظ والدنيا تخـــــط في جبهتي محروم
كسير القلب والدمــــــعه على خـــــدي تـــواسيني



حزين وضــــــحكتي فيـــــها مآسي لـو بدت للقوم
يصيـــــــح كبيرهــــــم قولة دخـــــــيل الله تعفيني



وحيد وكني في سطـــر الزمن هامش غدى معدوم
وحيد بلا أهل تســـــــــأل وش اللي صار وش فيني



وربعي وينهــــــــم يعني نسوني في محنتي هاليوم
غريبه بصحتي حــــــــــدي قبــــل مـــــــا الله يبليني



مثل ظلي يخـــــــاويني ويبقى في النــــــهار يحوم
ولا مـــــن الظـــــــــــلام يخيــم لا والله مــــــا يجيني



نزف دمــــــــع الألم يشـــــكي ولا له من يجيب اللوم
ســـــــوى إحساسي الشعــــري لعل الشعر يلهيني



حكايـــــــه والبطل فيها بــــــدوره دايـــــــــــما مهزوم
يعــــــاني شــــــــدة الدنيا وعينه تـــــرتجــــي الليني



ولكـــــــن الأمل مهمــــــــا غفــــــــا لابـــــــد له ويقوم
يطــــــول بجيته واصبـــــــر واقـــــــــــول الله يغنيني

مشكوووره ع الرد الطيب

العفوووووووووو

والسموحه اذا قصر في شي

وسلامتكم